 | Am
e Fäärnsee-Oobe mit SRG
haa n i stundelang numme e Bildsteerig gsee.
I main derzue, s isch wirgglig woor,
di beschti Sändig vo däm Joor. |
 | Zem
Model bii n i zwoor nit geboore.
I haa drotzdäm 15 Kilo verloore,
syt my Frau, es bringt mi scho bitz in Wuet,
statt koche SUDOKU spiile duet. |
 | Der
Muurer Ueli kennt jeede Dottel,
dangg sym Uffdritt mit em Gaissbogg Zottel.
Das Dier, das merggt au der hinterscht im Land,
schloot der Muurer um Länge, punggto Verstand. |
 | Mit vyyle Basler Baize, eerlig g’sait,
het d Hinggis Martina e Gmainsamkeit.
Hän sii d Pointe nooni groche?
Schlächte Service und kai Ass im Koche. |
 | Uff
däm Solaarboot het sicher niemerts gsteert,
dass der Vosseler deert zur Bsatzig gheert.
S isch doch praggtisch, dass dää mit duet faare:
D Verpfläägig für iin hän s kenne spaare. |
 | Die
Äärdbeebe kiirzligg, die sonderbaare,
sin der Basler Regierig in d Gnoche gfaare.
Kai Wunder, dass me deert fuurchtbaar verschreggt,
wenn sich im Roothuus ebbis beweggt. |
 | Fir
d Euro 08, s isch nit so e Bracht,
het me s Stadion heecher und braiter gmacht.
Die Maassnaam däät i fir d Goal au begriesse:
Me waiss doch, wie d Schwyzer Penalti schiesse. |
 | Loos Christoph, wenn in d Türkey duesch goo,
denn kaasch deert voorluti Sprüch unterloo.
Willsch Yydrugg schinde, wäär doch e Hit,
näämsch Lägggerli vo der Tochter mit. |
 | S
isch aigentlig fascht e bitz kokett,
dass der -minu erscht kiirzlig ghyroote het.
Luegsch iin so aa, den dänggsch doch glyy,
dää muess längscht im siibte Monet syy. |
 | Vo
der Frau haa n i s Buech vom Schrööder bikoo.
Nooch em Lääse gsee n i daas eppe n esoo:
Es kennt am Änd au Voortail haa,
dass der Busch nit schriibe kaa. |
 | Argumänt git s doo derfiir e Huffe:
Am e Fuessballmatch sotsch nit deerfe suffe.
I kaa doo aigenlig nuur derzue saage:
Kenne sii der FCB niechtern verdraage? |
 | De
iibrige Schwyzer mechte mir brichte,
uff Basel als Hauptstadt dien mir verzichte;
denn, aigentlig miest me s nit äxtraa erwääne,
Gressewaan isch doch e Ziircher Domäne. |
