foti

logobst

logobfb

Bängg 2019



zrugg an Aafang
Gescht-Buech
iiber uns
Kontaggt
Lingg
Väärs vom Mooned
Bängg 2019
Bängg 2018
Bängg 2017
Bängg 2016
Bängg 2015
Bängg 2014
Bängg 2013
Bängg 2012
Bängg 2011
Bängg 2010
Bängg 2009
Bängg 2008
Bängg 2007
Bängg 2006
Bsuecher :
 
Counter free



Pegoraro S isch unglaublig, aber s isch esoo,
d Frau Pegoraro will tatsächlig goo.
Vooruusgsetzt, dass d Chirruge kenne,
bi iire der Sässel vom Hinter drenne.
Buschi
S isch glaar, dass daas uff kai Fall goot:
E Buschi schlooft im Groose Root.
Drbyy kaa me deert, si wäärde lache,
aigentligg nyt Gscheyters mache.
Trumpybäär Me gseet dr Trump und syy Trumpibäär,
die glyyche sich vom Hoorschnitt häär
und si wäärde, wie me verroote kaa,
au glyychvyyl Strau in der Biire haa.
Abenteuer Wotsch doodesmuetig s Ryysikoo sueche,
kaasch dyyri Adventure Feerie bueche.
Es goot au billiger, maint myy Schatz.
Laufsch aifach iibere Baanhoofblatz.
Berset In New York isch me zimmlig gschoggt,
dass der Berset duss uff e Müürli hoggt.
S kennt jo au e versteggti Bootschaft syy:
E Muure goot mir am Arsch verbyy.
Siri Waisch eppis nit, kasch SIRI frooge.
Glaube siis nit, s isch nämmlig glooge.
Will die Äpp miir nit emool hälfe kaa,
wenn i der Yykaufszeedel vergässe haa.
Schuggerauti Dä Schugger-TESLA isch tächnisch e Hit.
Dr Board Computer dänggt sälbständig mit.
Styyrt e Schugger wirds noonemool glaarer,
das Auti isch gescheyter als der Faarer.
Models Uff em Laufstääg, s irritiert e glai,
mache d Models immer e suure Stai.
Finanziell hän die kai Grund zem glaage,
numme grins emool mit läärem Maage.
BVB  Duet d BVB bi der Waartig spaare,
bis d Trämmli nääbe de Schiine faare,
basst doch der Wessels perfäggt derzue.
Äär stoot au maischtens nääbe de Schue.
Schänzli S het ain welle mit em Auti hai,
vo Birsfälde richtig Münchestai.
Äär faart in Dunnel deert bim Schänzli unde.
Jo und sythäär het en kain mee gfunde.
serafe BILLAG Gebühre sin jetzt passé.
Die Rächnig verschiggt jetzt d SERAFE.
Ains kaan i allerdings nit ganz verstoo:
myy Goldfisch het au son e Rächnig bikoo.
sschneiderAmman Wenn yych kaini Väärs me mache kaa
stelle miir der Schneider Ammann aa
Dä hätt jetzt Zyt, hejoo das wäärs,
bi däm lache d Lyt au ooni Väärs.
fcbindia Der FCB, nai, es isch kai Witz,
het z Indie jetzt syy zwaite Sitz.
Die sueche halt uff der ganze Äärde
e Land, wo si Maischter kennte wäärde.
albdraum Syt d SVP jetzt au Huusbsiech macht
verfolggt mi en Albdraum jeedi Nacht.
I draim, dass bletzligg Zoobe spooet
an der Diir d Martullo Blocher stoot.


foto1


video

Kligg uff d Kamera
firs Video vom 2019