 | Im
Wooghof häns vyyl inveschtiert ,
d Wänd verstärggt und d Schlesser saniert
und, dass es au joo kai Ussbruch mee git,
griegt jeede bim Yydritt e Huusschlissel mit. |
 | Ob
der Baschi in d Regierig basst,
wird speeter sicher zämmegfasst.
Im Momänt waisch numme, dass äär guet
In e Aaierbächer basse duet |
 | Sträbsch im
Bundeshuus e Boschte n aa,
denn muesch kai heecheri Bildig haa.
Und sotte sii Ständeroot wärde welle,
denn mien si nit emool kenne zelle. |
 | Wenns z Ängland dää blaublietig Noowuggs git,
empfiil y ganz dringend e Kaiserschnitt.
Glyycht s Buschi am Opa, kennt sich daas loone,
sunsch gits wägg de n Oore no Komplikatione. |
 | Y
haa geschter im Käller, ganz z hinderscht unde,
e verroschteti Dampfmaschiine gfunde.
Hän sii au no so Schrott, denn dien si dää spände;
mee kaa alles fiir der Bau vom e Gripen verwände. |
 | E Mafia Boss suecht Personaal.
Numme findet äär niemerts, s isch fataal.
Ächti Halungge, das muess me gsee,
verdiene bi de Bangge mee. |
 | E Spinner stiirzt sich uss em All,
uff d Äärde zue, mit Iiberschall.
S wäär fascht e Rekord, nuur noo vyyl schnäller,
saust s Nyywoo vo der BAZ in Chäller.
|
 | Der
Depardjeu haisst jetz Depardjew
und schlyymt sich yy bim Kreml Chef.
Äär wird deert woorschyynlig noo vyyl erreiche,
mit suffe und in d Fläsche saiche. |
 | Der Cancelara froggt sich immer noo,
wurum hets mi au uss der Kurve gnoo.
S het kai Wärt, dass äär draa umme studiert,
amm 11er Dramm isch s gyych baasiert. |
 | Der
Messi isch wiirgglig legendäär:
Kain schiesst esoo vyyl Gool wie n äär.
I däm Metier ischs au am Steinbrück wool:
Äär schiesst am maischte n Aigegool. |
 | Der
Muurer Ueli verzellt syner Frau,
das WEF isch toll, näggscht Joor kunsch au.
I haa im Hotel als numme der Lift miesse nää
und scho hän mer d Lyt e Trinkgäld gää. |
 | Der
Vasella het schyyns, so wiird jetzt brichtet,
uff syy Millionegschängg beschaide verzichtet.
Jetz mach y mer Gedangge, ob dää Maa,
vo syynere Ränte no lääbe kaa. |
 | E
Schwyzer Abfaarer, so haan y vernoo,
isch in Kitzbiel z Fuess am Zyyl aakoo.
Do sait der Drainer, muesch nit druurig syy,
de bisch schnäller gsii, als mit de Schyy. |
 | Im
Zolli vo Ziiri isch en Aff verschwunde.
Me het schyyns das Dier bis hit nit gfunde.
I mach mer folgende Ryym do druff:
in Ziiri fallt e n Aff nit uff. |
 | I haa mit
Lasagna gaar nit am Huet
myy
Frau hingääge, die findet si guet.
Bi
iire hets allderdings doo derzue gfiert,
dass
si amme bim Jogge galoppiert. |
