foti

logobst

logobfb

Bängg 2017


Aafang
Gescht-Buech
iber uns
Kontaggt
Lingg
Bängg 2018
Bängg 2017
Bängg 2016
Bängg 2015
Bängg 2014
Bängg 2013
Bängg 2012
Bängg 2011
Bängg 2010
Bängg 2009
Bängg 2008
Bängg 2007
Bängg 2006
Bsuecher :
 
Counter free


Hirschi Der Baschi froggt sich, was das sott:
Im Hirschi het äär Huusverbot.
I find, es basst doch wunderbaar;
äär isch kai Hirsch, dasch jeedem glaar.
mifrau Myy Frau druurt schregglig um iire Obama.
Fir sii isch syy Abgang no immer e Draama.
Sii glaggt, der Ney syyg zweeni schlangg
und glyychi am Fluumer im Bääseschrangg.
Kessler Der Stadtentwiggler het miesse goo.
Yyvernäämlig, me sait däm esoo.
Bim Morin isch offebaar aageboore,
wäär sich bewegt, dä het verloore.
bätte Bim Dischgebätt danggt me firs dääglig Brot
und hoolt soo d Hilf vo Oobe ins Boot.
Bim Putin dien sich, isch doo myy Gedangge,
d Sportler firs dääglig Dooping bedangge.
BlaggeddeA4 Uff der Silbrige isch e Gugge druff.
Es soll Bebby gää, die sin drum muff.
Mii het die Gugge bis hit nit gsteert,
will me die jo, Gott sai Dangg, nit heert.
peggiA4 D Pegoraro isch zur Yysicht koo,
si loot lieber d Finger vom U-Abo.
I hoff si begrifft, jetzt au so schnäll,
nit s U-Abo, sii isch en Usslaufmodäll.
siriA4 I haa SIRI ganz im Verdraue gfroggt,
ob e Trojaner i mym iPhone hoggt.
Kai Angscht, maint SIRI, mer sin elai,
Moskau macht Pause bis am zwai.
 mifrau Zue myym 70igschte haani i ganz vermässe
mit der Frau im e Noobelspunte gässe.
Bi däm Luxus, fielsch di, hools der Gugger,
wie s Kaader vo de Basler Schugger.
bildigsrootA4 S Baaselbiet isch finanziell in Noot.
Drumm stryycht me jetzt der Bildigsroot.
Miir dien daas mit Erstuune vernää.
Hets Bildig z Lieschtel scho n emool gää.
ryymeA4 Bim Ryyme haa mer geschter z Nacht
Iiber folgendi Froog Gedangge gmacht:
Isch s Zuefall ryymt sich Greesewaan
esoo perfäggt uff Erdogaan?
infantinoA4 D FIFA wird jetzt reformiert,
het der Infantino garantiert.
Null Korruption, das syyg sy Zyyl;
wäär doo dra glaubt, isch infantyyl.
lauberA4 Luegt me ins Budget vom Lauber dryy,
soll s Baaselbiet bald uus em Schnyyder syy.
Nai, der Lauber duet doo nit iiberdryybe;
äär loot s Budget vom Mike Shiva schryybe.
LachenA4 Mängsmool griegsch du, maint my Schatz,
e Lacher fir d Pointe im letschte Satz.
Lache d Lyt vo Aafang aa wie bleed,
denn ischs e Schneider-Ammann Reed.
haendedruggA4 Wott e Schieler der Leerere d Hand nit gää,
denn sott me daas nit so draagisch nää.
Das isch doch haarmloos, wenn me dänggt,
wo der Trump de Fraue aane längt.


foto1


video

Kligg uff d Kamera
firs Video vom 2017