foti

logobst

logobfb

Bängg 2020



zrugg an Aafang
Gescht-Buech
iiber uns
Kontaggt
Lingg
Väärs vom Mooned
Bängg 2020
Bängg 2019
Bängg 2018
Bängg 2017
Bängg 2016
Bängg 2015
Bängg 2014
Bängg 2013
Bängg 2012
Bängg 2011
Bängg 2010
Bängg 2009
Bängg 2008
Bängg 2007
Bängg 2006
Bsuecher :
 
Counter free



Regierig Der Wessels goot, der Brutschin goot.
D Frau Herzog wägslet in Ständeroot.
Der Räscht wird beriemt, wie ych das gsee,
als Fasnachts Beäärdigungs Comité.

viola Wenn d Frau Amhäärd amme delifoniert,
denn bruucht si iir iPhone ganz ungeniert.
Verschlüsselig isch der Viola suschpäggt,
fiir daas länggt bi iire beraits der Dialäggt.

grönland Wenn der Trump mecht Grönland kaufe,
denn leend en deert im Schnee ummelaufe.
I dängg mer d Chance steen do guet,
dass en glyy en Yysbäär frässe duet.
röschti Der Röschti goot, äär haig schyyns gnue.
Als heeflige Mensch saag i Aadie derzue.
Drnoo will i dää Maa ganz schnäll vergässe
und ändlig mit Gnuss wiider Röschti ässe
HundM Harry und Megan, sin bald nimm drbyy.
Si wänn schaffe, kai nutzloosi Royals syy:
Myy Vorschlag, s däät Ängland billiger koo,
die blyybe, der Räscht vo der Sippe kaa goo
Mäss Sotts dr ‚Mäss Basel‘ wyter schlächt laufe,
kennt d Mäss au am Zolli e Halle verkaufe.
Als Voogelhuus miech die Halle Sinn:
E Plaitegaier hoggt scho dinn.
Wef Bim WEF wird der Luftruum iiberwacht.
So schützt me Davos bi Daag und Nacht.
Numme het bim Draie vo iire Runde,
d Patrouille Suisse DAVOS nit gfunde.

cüpli 
Der Basler Neujoors Apéro isch passé.
D Regierig spändiert kaini Cupli  mee!
Zwangsläufig schliesst sich d Froog doo aa:
Fir was bruuche mer noo d Frau Aggermaa?
türm Di zwai heggschte Hyyser in unserem Land
steen bald doo z  Basel, s isch allerhand.
Und der dyyrschti Bau vo dääre n Äärde
wird s Basler Biozentrum wäärde.
rosendünger I haa flüssige Dünger fir d Roose boschtet,
dää het im Laade zää Frangge koschtet.
Drbyy gits dää gratis nundefaane,
in Lieschtel us jedem Wasserhaane.
relax I lueg amme die Zyt wie Feerie aa.
S git niemerts, wo aim steere kaa.
I due lääse und gang frie in d Pfanne;
Aifach e Sääge, die Swisscom Panne.
musical Ins Musical-Theater, s wäär z iberleege,
kennt me guet der ‚Grossi Root‘ verleege.
Dää spuggt doch grossi Deen passabel
und spiilt scho syyt Joore ‚Les Miserable‘.
uelicnn Bi syym Interview z Amerika
het der Muurer Ueli e Stäärnstund ghaa.

Der Ueli het, das het me gheert,
bi der Frau Martullo Änglisch gleert.
epilog
D Greta macht GRIEN zem Sujet-Hit
und BLAU bisch an der Fasnacht nit.
Drumm seen mir Bebby wirgglig ROT
wenn e Gugge BRUN an d Fasnacht goot.

Schaffe d Mensche d Glyymawändi
und, wenn nit, ischs unser Ändi?
D Anwort druff, kurz und brutaal:
Das isch am Klima schyssegaal.


foto1


video

Kligg uff d Kamera
firs Video vom 2020