|
Der Conti byychtet ganz
bedroffe,
s isch eppis schief mit myyne Konti gloffe.
Mir saage "aadie", will äär goot,
fir "gäll blyb suuber" isch s doo zspoot. |
|
GC und FCZ, s isch scho e
Hoon,
die daile sich zämme ai Stadion.
Die dääte doch gscheyter fusioniere
und geege der FCB gmainsam verliere.
|
|
Die nei Häärzdaame het
iiber Nacht
us iim e verliebte Rolli gmacht.
Me sait, syyni Laischtig syyg sunsch nit enorm,
aber horizontal syyg der Hollande in Form. |
|
D Innestadt soll
verkeersfrei wäärde.
Das wird wie s Baradyys uff Äärde.
De flaniersch dur d Stadt und s Häärz das lacht
bis e Velo in di yyne gracht. |
|
My Frau, die findet dä
nei Baapscht so nätt.
Jetzt schliesst s en scho yy ins Nachtgebätt.
Si himmlet en aa, das duet mi fascht gwääle.
Hätte die nit wiider e Schwoob kenne wääle.
|
|
Immer, wenn miir amme an
d Olma mien,
denn raise miir iiber Hamburg und Wien.
Dä Umwääg, dä loont sich, doo deerf me nit spaare,
dääwääg kaasch grossryymig Ziiri umfaare. |
|
D Äärde, d Sunne, d
Mensche, d Affe,
haig schyyns Gott in 7 Dääg erschaffe.
So eppis guub z Basel e Revolution;
dängg numme an d Stadtbild Kommission. |
|
I haa fiir d Ziibelewaaie
d Rächnig bikoo
und doo derbyy schmäärzhaft zur Kenntnis gnoo:
An der Fasnacht meerggsch es wie fascht niene,
dass d Schwyzer wältwyyt am maischte verdiene.
|
|
Wenn miir Schwyzer joo
zem Gripen saage,
het jeede Gäägner Grund zem glaage.
Dää Flieger beschitzt uns denn landeswyt,
aaber numme wäärend der Byyroozyt. |
|
e leerts mit Voordail
beraits in der Juugend:
Eerligkait isch e scheeni Tuugend.
Numme griegsch halt dääwääg eventuell
bi der BVB kai Kaaderstell.
|
|
In Ziiri dien d Freier,
heert me saage,
iiber die neie Verrichtigsboxe glaage.
Fir d Freier syyg die Box kai Gwinn,
s hogg allewyyl e Schugger dinn.
|
|
S git d BAZ jetzt au in
verdichteter Form.
I find zwoor d Verdichtig nooni enorm.
Vom Inhalt häär, hätt doch die BAZ
logger uff ere Briefmargge blatz.
|
|
Der Änggel vom Charles
isch z Ängland geboore.
Miir sin froo, het das Kind kaini Säägeloore
und mer lueges als bsundere Gliggsfall aa,
dass es nit der Camilla glyyche kaa.
|
|
D Frau Merggel isch
in Langlauf Dracht
ganz gwaltig uff iir Fuudi gracht.
Me haig daas sogaar, s blybbt unvergässe,
uff em Seismograph in Basel gmässe. |
