foti

logobst

logobfb

Bängg 2015  - (10 Joor Bildsteerig)



zrugg an Aafang
Gescht-Buech
iiber uns
Kontaggt
Lingg
Väärs vom Mooned
Bängg 2020
Bängg 2019
Bängg 2018
Bängg 2017
Bängg 2016
Bängg 2015
Bängg 2014
Bängg 2013
Bängg 2012
Bängg 2011
Bängg 2010
Bängg 2009
Bängg 2008
Bängg 2007
Bängg 2006
Bsuecher :
 
Counter free



straalefrau
Will d Frau amme eppis vo mer haa,
denn luegt si mii ganz verfiererisch aa.
Wenn si dääwääg straalt, kaa mi fascht nit rette;
i nimm denn amme e Jood Tablette.
shaqiri
Mit em Shaqiri isch Inter fascht iiberem Bäärg.
Si zaale drumm vyyl fiir dää Superzwäärg.
Dämm Glaine hilft au der Blatzwaart  konkreet
mit em Schnyyde vom Raase, dass me iin seet.
fifablatter Der FIFA-Blatter het verfiegt,
bi uns het niemerts Schmiergäld griegt.
Was me doo als Bebbi saage kaa:
Verzell du das am Fäärimaa.
shaqiri
S ney iPhone 6, es isch scho gsteert,
duet sich verbiege, hän mir gheert.
Der Gerri Müller maint, das iPhone wott i,
do griegsch Fuudi und Pfyffli zämme uff d Foti.
shaqiri Griegt e Leschbe Baar vom Pfaarer e Sääge,
isch der Bischof z Chur doo schwäär dergääge.
Mee Verständnis het d Kirche, s isch pikant,
bim Verhältnis Pfaarer-Minischtrant.
dpardieu
Der Depardieu sufft, s kaa fascht nit syy,
schyyns dääglig 14 Fläsche Wyy.
Hesch allewyyl dääwääg ain im Gool,
denn fielsch di au bim Putin wool.
mode
Moodisch gsee, kaan i eich saage,
muesch im Frielig Mint und Roosa draage.
Als wytere Trend verroot i doo:
Politisch gsee, isch Bruun im koo.
 autifrei
Mer duet das wirgglig eschtimiere,
autifrei  dur d Stadt flaniere.
Me  gniesst das bis am Fimfi zoobe,
drnoo gosch go boschte bi de Schwoobe.

wurst
Isch die Wurscht e Frau oder doch e Maa?
I muess do druff kai Antwort haa.
    Es froggt jo au niemerts, do mach i Wett,
weeles Gschlächt e Frikadelle het.
8er
Mit em 8er faarsch ney uff Wyyl am Rhyy;
noo Saint Louis solls denn der 3er syy.
Jeede Voorort soll syy Drämmli haa.
Geduld, au Ziiri kunnt no draa.
wasser
I haa letschti in Gedangge versungge
am Brunne e Schlugg Wasser drungge.
Sythäär dringg i amme zwai oder drei,
s isch nämmlig vegan und lactosefrei.
michelle
Fiir d Wärbig fiir Kääs us em Emmedaal
basst d Hunziker Michelle nit optimaal.
D Figuur und s Lächle sin zwoor e Hit,
nur an Emmedaaler dängsch doo nit.
hyysli
Hoggsch uff em Hyysli, duets aim gwääle,
wenn deert s entsprächend Bappier duet fääle.
Das Brobleem deerft jetzt Vergangehait syy:
e n Euronoote hesch immer drbyy.


foto1


video

Kligg uff d Kamera
firs Video vom 2015